اه غايب وفايتنى .. اه ولا جيت ولا جيتنى امتى بقا لروحى ترجعنى
فينك يا وحشانى اه وياك عيشنى امانة ترحم حالى امانه روحى يا روحى ليك محتاجة .. روحى يا روحى قول بقا حاجة لو عملت ايه … ايه دا كله يا سها لدرجة دى معقولة ما تقولولها حاجة يا جماعة هو فى حب كدا طب بدل ما نقولها تعالوا نشوف ايه اللي خلاها تقول كدا والحلقة الرابعة والعشرين من قسمة على اتنين يارب يعجبكم
نهى على
قصة وسيناريو وحوار / نهى على طه الحلقة الثالثة والعشرون
مشهد (1) نهار خارجى صورة عامة للجامعة عين شمس
ـــــــــــ قطع ــــــــــــ
مشهد (2) نهار داخلى كليه حقوق / حجرة مكتب على
على جالسا مع صديق وزميل له
زميل على فى مرح :
خدت أجازة عاوز تبعد شوية يا بختك
على ضاحكا ضحكة خفيفة :
والله أبدا عندى شوية مسائل بخصوص الميراث والتركه لازم نتتهى ومأجلها الفترة دى كلها
زميل على فى نبرة عادية :
ربنا يعينك أسيبك تخلص شغلك
على يبتسم ويعود جالسا حول مكتبه يراجع عمله
ــــــــــــــ قطع ــــــــــــــ
مشهد (3) نهار داخلى / فيلا بدر الدين / المطبخ
سارة واقفة تقلب الغذاء وتتذوقه وسها بجوارها تبتسم لها وتشجعها فى حماس
ساره فى هدوء به رنة الخجل :
عارفة إن رأفت كان نفسه مره فى حياته يدوق أكل من إيدى وكان يقولى مستحيل تبقى ست بيت أبدا
سها تضحك وفى إقتراح ومرح :
طب ليه منخلهوش يدوق أكلك ويحكم
سارة فى حرج وإرتباك :
لأ طبعا هو بيجى بيشوف البنت وبيمشى وخلاص
سها تنظر لسارة وفى مرح وخبث أنثوى :
يا سارة طب عينى فى عينك كدا أقولك نكلمه ونقوله إن البنوته بتسأل عليه ونعزمه على الغداء
سارة طالما إنتى لسه بتعزيه وبتقولى عليه إنسان كويس حبك وعمره ما زعلك يبقى ليه لأ نجرب حنخسر إيه
سارة تنظر لسها فى تردد
سارة تهز رأسها فى خجل وتبتسم :
أوكيه نجرب
سارة تسأل عن فريال وفى نبرة قلقة:
سها فريال مختفية ومنعزله بقالها فترة وكمان وليد هو فى إيه ؟
سها فى تردد :
وليد متخانق هو وفريال ومش بيكلموا بعض عشان عاوزاه يشتغل
سارة فى حماس :
بجد ياريت دى تبقى عملت فيه حاجة حلوة خالص
سها تهز رأسها فى هدوء وفى نبرة دعاء :
ربنا يصلح لهم الحال
بصى خليكى مع دادة بتخلصوا الأكل وأنا حروح أرتب أوضة المكتب لأنها مش عاجبانى
سارة ضاحكة :
يا بختك يا على
سها فى مرح :
وبعدين يا سارة الله
سارة تضحك وتقهقهة
سها تخرج من المطبخ
ـــــــــــ قطع ــــــــــــ
مشهد (4) نهار خارجى / بوابة الفيلا
سيارة على تعبر الفيلا
ــــــــــــ قطع ـــــــــــــ
مشهد (5) نهار داخلى / فيلا بدر الدين / الباب الرسبشن
على يدخل من الباب
خالد وأدم يسرعا إليه
على يبتسم وفى حب كبير يحتضن الصبيان ويضع ساعديَه حول كتفى كل منهما ويسير معهما ويجلس بجوارهما وفى حنان :
أخبار الدكاترة إيه ؟
خالد فى حماس :
خلصت الدوام تبعى وأدم لساته
على ينظر لأدم نظرة عتاب ضاحكة وفى تساؤل حان ؟
يا أدم مش عاوز تبقى دكتور زى بابا ؟
أدم فى نبرة نافية وصريحة :
لأ عاوز أبقى لعيب كره
على يضحك ويحتضن رأسه فى صدره
وفى نبرة مرح :
عارف وأنا قدك كنت بقول زيك عاوز أبقى لعيب كره بس طلعت دكتور قانون
عاوزك تبقى شاطر وتطلع الأول إنت وخالد زى ؟
خالد فى تساؤل :
وإنت كنت الأول على طول
على ضاحكا طبعا على المدرسة كل سنه بس من الناحية الخلفية
أدم يضحك بقوة وخالد على يحتضنهما فى صدره وينظر لأدم فى حب كبير وفى تساؤل :
البيت ساكت ليه راحوا فين ؟
أدم فى إجابه :
طنط سارة ودادة فكرية بيطبخوا وماما فريال قاعدة فى أوضتها زعلانه وأونكل وليد مش عاوز يكلم حد
على فى فضول :
وماما ؟
خالد يشير ناحيه المكتب :
هنا وقالت محدش يدخل عليها عشان بترتب وتنظف الغرفة
على يبتسم ويهز رأسه وفى هدوء :
روحوا هاتوا اللعب إللى فى شنطة العربية نسيتها أجيبها يالا بسرعة
أدم وخالد يضربا كفهما بكفى بعض فى سعادة ويسرعا خارج الفيلا
على ينهض ويتنحنح متجها ناحية حجرة المكتب
ــــــــــــ قطع ــــــــــــــ
مشهد (6)نهار داخلى / فيلا بدر الدين / حجرة مكتب على
سها واقفة على سلم أمام مكتبة على الكبيرة والريشة فى يدها والموبايل موضوع على سطح المكتب وموسيقى أغنية (روحى يا روحى ) للمطربة نوال الزغبى
سها تدندن فى هيام مع الأغنيه
سها تقترب من الصور المعلقة صورة والد على وصورة لشاهر وصورة لعلى وهو بزى التخرج
على يدخل بهدوء سها لم تشعر
على يغلق الباب برفق ويقف خلف سها يشاهدها بدهشه
سها تمسح الغبار من على الصورة وتنظر للصورة بهيام وتدندن قائلة :
أه غايب وفايتنى أه ولا جيت ولا جيتنى إمتى لروحى ترجعنى
روحى يا روحى ليك محتاجة … روحى يا روحى تعالى قول بقا حاجة
على يكتم ضحكته سها تقرب صورة على إلى صدرها وتدندن :
دا أنا حتجنن عليك أه مش حنساك ثانيه حبك حاجة تانية
أه فينك يا وحشنى أه وياك عيشنى أمانه ترحم حالى أمانه
سها تقبل صورة على وفى نبرة حب كبيرة :
بحبك قوى يا على مهما تعمل … غصب عنى بموت فيك
على من خلفها بصوت هادىء رخيم :
وإيه كمان … حاضر
سها تفزع وتحاول السيطرة على نفسها
على يضحك بقوة وفى صوت رقيق :
حطى بس الصورة مكانها
سها تدير عينيها وحمرة الإرتباك والخجل تكسوها بقوة وتعلق الصورة مكانها
سها تحاول الترجل من على السلم لكنها تبدو مرتبكة وخائفة
على يتقدم ناحيتها ويمد كفيه ناحية خصرها وفى مرح :
تعالى .. تعالى بدل ما توقعى مش ناقصة
على يمسك سها لكى ينزلها وينظر لعينيها نظرة طويلة بها رومانسية كبيرة وتذكر
ــــــــــــ مزج ــــــــــــ
مشهد (7) نهار خارجى / منطقة الأهرامات / صخرة كبيرة
سها واقفة فوق صخرة كبيرة
سها تحاول الترجل لكنها تفشل
على ينزل سها وهو يحتضنها والضحكات تملأ الأفواه
ـــــــــــــ مزج ــــــــــــــ
مشهد (8) نهار داخلى / حجرة المكتب
على يفيق من ذكرياته ناظرا لسها فى غرام علنى
سها صدرها يعلو ويهبط خوفا وشوقا عشقا ورغبة
على يلتقط فم سها … سها تغمض عينيها فى دعوة وحب
على يقبل سها قبلة طويلة كلها شوق وحنين ويهمس فى صوت مبحوح :
سها … وحشتينى …. وحشتينى قوى قوى بجد
سها تفتح عينيها وتنظر لعلى نظرة مسهبة جدا بالرومانسية والفرحة وعدم التصديق
لمعة الدموع فى عيونها وفى صوت رقيق :
من قلبك بجد
على يخرج من جيب سترته علبه قطيقة زرقاء ويفتحها سها تنظر فتجد دبلة ذهبية وخاتم
على يلتقط بنصر سها فى كف يدها اليسرى ويضع الدبله فيه وفوقه الخاتم وفى صوت حنون دافىء :
دى بدل الدبلة إللى ملبستهاش زمان وقتها معرفتش أجيبلك شبكة
على يضع كفه على وجنة سها سها تلتقط كفه وتقبله فى حب كبير
على يحتويها فى صدره وفى نبرة علنية صادقة :
بحبك … بحبك يا سها والله العظيم بحبك مش قادر أكابر أكتر من كدا
دموع سها تنساب بقوة وتجهش بالبكاء فى صدره بصوت مسموع
على يربت على ظهرها ويهديها وفى نبرة أسف :
أنا أسف حقك عليا بجد
على يبعد سها عنه قليلا وفى نبرة رومانسية :
أنا خدت أجازة جهزى الشنط حنسافر أنا وإنتى وبس فاهمة
سها تكاد تجيب لكن رنين جرس الموبايل يقطع حديثها
على يتجاهل رنة نادين
سها تمسح دموعها وفى سعادة وموافقة :
حاضر يا حبيبى ….. حاضر يا على
ـــــــــــــ قطع ــــــــــــ
مشهد (9) ليل داخلى / فيلا بدر الدين / حجرة فريال
فريال جالسة حزينة تبكى
فريال تسمع صوت طرقات على الباب
فريال تنهض وتتجه ناحيه الباب وتفتح فتجد وليد واقفا أمامها ينظر إليها بنظرة حب خاليه من الشهوة وعلى فمه إبتسامة شوق
فريال تنظر لوليد وتلقى بنفسها فى صدرها
وليد يحتضن فريال وفى نبرة حنان :
أنا حشتغل وحكون إنسان تانى لأنى بحبك وعاوز أكمل معاكى بجد وعشان كدا إحنا حنلعن جوازنا
فريال تبكى بقوة وتبتعد عنه وفى نبرة مرارة :
موافقة بس الأول لازم توافقنى على العملية إللى حعملها
وليد فى قلق وتساؤل :
عملية إيه ؟؟؟؟؟؟؟؟
إلى اللقاء فى الحلقة القادمة إن شاء الله
يتبع ……….
